بروكلين Brooklyn

وجبات جبارة مليانة جبنة سايحة واسعار تحفة ❤

نبذة عن المكان

عن مطعم بروكلين

من ساعة ما فتحوا وهما قالبين الدنيا في القاهرة علشان بدايته كانت في طنطا والمنصورة واتضايقنا اوي اننا اكتشفناه متأخر كده بس المهم اننا اكتشفنا مكان بيعمل برجر من احلي البرجر في مصر من غير أڤورة وبيتعمل homemade طبعا بس طعمه فيه حاجه مختلفة عن اي برجر جربناه قبل كده وغير كده نوع الجبنة اللي بيستخدموها بيعملوه بنفسهم برضو وبيكون حلو اوي ومختلف فلو مكنش ليك في الجبنة السايحة دي قبل كده نراهنك تقدر تقاومها هناك 🤤

جربنا سندوتشات كتير عندهم من اعظمهم الvolcano cheese اللي بيكون محشي جبنة موتزريلا مع شيدر وجودة فبيغرق الدنيا بمجرد ما تقطمه وعاملين ساندوتش تاني اختراع اسمه smokey وبيبقي عباره عن برجر مدخن مع بيف مدخن ومايونيز مدخن وموتزريلا مدخنة وكله مدخن في مدخن فده بالذات في حته تانيه خالص..عندهم انواع تانيه كتير منها الكلاسيك والحاجات الهادية وفي حاجات تانيه ملغوصة وبتبظ من كل حته
بيعملوا فرايد تشيكن كمان علشان لو ملكوش في البيف اوي وبيعملوها زي اجدعها مطعم فرايد تشيكن وتحسهم متخصصين فيها جدا من كتر ماهي عظيمة

نشاط وعروض المكان

هتدفعوا ٥٥ جنيه وتاخدوا ٤ ساندوتشات مع تريه مليان فرايز وچار جبنة سايحة وتشيز فرايز وكمان لتر بيبسي وكل ده ب٢٢٠ جنيه..ولو انتوا ٣ هتدفعوا ١٧٠ جنيه بس وتاخدوا ٣ ساندوتشات مع فرايز وچار جبنة وتشيز فرايز
المكان Brooklyn – بروكلين

المكان العظيم ده فتح فرع جديد وعامللنا عرضين بدل عرض واحد..اول عرض بيكفي اربع افراد وسعره ٢٢٠ جنيه يعني كل واحد بيدفع ٥٥ جنيه وبتاخدوا اربع ساندوتشات غرقانين جبنة مع چار جبنة سايحة وتريه مليان فرايز وتشيز فرايز ولتر بيبسي
والعرض التاني سعره ١٧٠ جنيه وبيكفي ٣ افراد يعني كل واحد بيدفع ٥٥ جنيه تقريبا والعرض ده في كل الفروع
*** العرض علي البيف أو التشكن وهتختار من (كلاسيك – أورجنال – بلو بلو – شيلي فاير – مشروم لافا)

فرع التجمع الخامس مول مدتاون أمام الجامعة الأمريكية
خدمه التوصيل : 01224141990
📌فرع طنطا : شارع سعيد مع المتوكل بعد كليه التجارة
خدمة التوصيل : 0403315950 – 01200334410
📌فرع المنصوره : المشايه العلويه أمام جامعة المنصورة
خدمة التوصيل : 0502202804 – 01212450432
🔥قريبا فرع مصر الجديده – المعادي – 6 أكتوبر- الزقازيق

مواعيد العمل : من 10ص الى 3ص

مرحباً، يسعدنا استقبال استفساراتكم الكريمة

متواجدون دائما لخدمتكم

13 + 12 =

Call Now Button