نبذة عن افريكانو بارك
اول واكبر حديقه حيوان مفتوحه ف مصر أنت فيها بتدخل تعيش أجواء الغابات فعلا وانت فى عربيتك
فى حتت قليلة ممكن هناك تتمشى فيها على رجليكم علشان مفيهاش خطورة بس انك تبقى ماشى بعربيتك ( ودة الافضل )
وكمان لو معاك اطفال وواقف بالعربية مثلا والقرود بتتنطط ع العربية والنعام يجيلك لحد الشباك دة كله بيخلق حالة جميلة من البهجة
ويا سلام بقى لو عربيتك فيها سقف بانوراما حتبقي الرحلة متعة .. نص البارك تقريبا فيها زي نهر صغير كدة فية سيد قشطة وممكن تأكله هو و الاسماك الموجودة وبيبقى فى حاجة زى الجزر كدة طول ما انت ماشى بيبقى عليهم حيوانات ..
وممكن تمارس بعض الأنشطة في البارك منها الصيد والإير هوكي وتنس الطاولة وكرة القدم وغيرها، بجانب ألعاب البينج بونج والبلياردو.
كما خصص البارك “فندق صغير” للمبيت، ملحق بكل غرفة فيه حمام سباحة خاص بها، مع إمكانية الصيد من الغرف.
افريكانو بارك.. حياة برية مليئة بالاثارة والتشويق وسط الحيوانات
اين توجد افريكانو بارك
تقع أفريكانو بارك في الكيلو 65 على طريق مصر الإسكندرية الصحراوي (أى بالقرب من اسكندرية )
اسعار دخول افريكانو بارك ومواعيد العمل
الفرد لرحلات المجموعات 100ج
السيارة الملاكى 600ج
الميكروباص 1000ج
المواعيد : من 9 صباحا الي 5 مساءا بس كل ما تبقى بدرى كل ما تنبسط
بيانات التواصل
رقم موبايل افريكانو بارك :
+0100 117 5098 – +201001175098
عنوان افريكانو بارك :
طريق الأسكندريه الصحراوي، غرب النوباريه، الجيزة
