نبذة عن مطعم Tabali Bistro
الزمالك والتمشيه والفطار الحلو اللي شكله يفتح النفس
الموضوع يستحق الصحيان بدري و بعد ما تفطر تتمشى عالنيل و في الشوارع الجميلة بين القصور و الاشجار كإنك في متحف مفتوح
اللي مش هتفرق في نص الأسبوع ولا الويك اند
فطار طبالي نقدر نصنفه انه رقم في مصر
و على فكرة طبالي دلوقتي فتح فرع جديد في شارع ٢٦ يوليو – الزمالك
اكتر حاجة بتميز طبالي إنهم بيقدموا الاكل المصري بتاعنا “اللي بناكله كل يوم” بس لما تاكله من طبالي تحس انك بتاكل حاجة جديدة وكمان هتقع في حيره لذيذه مع معدتك وعقلك لما تلاقي مثلا الفول في منه 11 نوع يخليك تحب تجرب كل يوم نوع جديد، اخر مرة جربنا نوع اسمه فول بلدينا “بالدقة بتاعت زمان” بجد خطير
تاني حاجة انهم بيعملوا اختراعات مميزة هتحبها اوي زي الطعمية المحشية بصل بالسماق و في طعميه محشيه كيري و الطعمية بالبسطرمة و افكار تانية كتير
طريقة التقديم و شكل الاطباق و رصة الاطباق عالترابيزة هتخلي عينك تحب تنوع الالوان دا و زي ما قولنا .. بالرغم إنه الاكل اللي بناكله كل يوم بس هتلاقي في اختلاف حقيقي في الطعم و طريقة التقديم
من الحاجات الجديدة عند طبالي طبق المقليات .. دا بقى فيه بتنجان مقلي وفلفل مقلي ، بتنجان بانيه و قرنبيط سخن وجزر مقلي .. تاخد لقمة عيش بلدي طازة لسة خارج من الفرن مع حتة بتنجان و طعمية بعدها تنزل بالقرنبيط في الطحينة، استمتع يا عزيزي
من الحاجات المميزة جدا في طبالي قسم الفطير الشرقي واللي لازم تسيب مكان في معدتك لتجربه فطيرة البسبوسة بالقشطة
وتشرب كوباية برتقال بالجزر وكدة انت مش عاوز حاجة تانى
افضل مطعم وجبات إفطار ” مطعم Tabali Bistro “
فطارك انت واصحابك واسرتك فطار مميز ومختلف في احلي مطعم طبالي وبيعملو اختراعات مميزة وطريقتهم حلو اوي في تقديم شكل الاطباق ورصة الاطباق
مطعم طبالي
طبالي نجح انه يتميز جدا و يفرق في حتة مليااانة منافسين و دي مش سهلة
يعني ممكن كل يوم تاكل فول و طعمية في اي مكان بس الاختلاف المميز في طبالي إنهم بيقدموا كل حاجة بجودة عالية جدا
اسعار المنيو
المواعيد : من 8.00ص الي 12.00 ص
اراء العملاء
فعلا الطعم مختلف ومميز جدا.
فعلا احلى فطار كلته 
الاحلى بقى الفول بالسجق جنااان
افضل اكل وافضل فطار في طبالي
بيانات التواصل
رقم موبايل مطعم Tabali Bistro :
19061
عنوان مطعم Tabali Bistro:
شارع محمد مرعشلي، الزمالك،, محافظة القاهرة
-
فرن فريش بالشواية – 45 لتر – اسود
2,500 EGP -
مكنسة بلاك اند ويت 2000 وات
2,650 EGP -
خلاط سارى بضمان راية+2 مطحنة
550 EGP -
Smart Watch T8 ULTRA Max
999 EGP
